VOV4.K’ho- Pơgồp bal mpồl cau lơh broă mờ ngui măy mok sồ, lơh ngan lơh geh tơl di tŭ jơnau kờñ bè ồs đèng ngui mờ ală drơng broă geh kwơ ƀươn, Kông ty Ồs đèng Dăk Nông (PC Dăk Nông) neh lơh geh bơta pin dờn, lời wơl jơnau kah niam gơwèt mờ cau ngui đèng. Lơh jăt bơta niam chài mpồl lơh sa kă bro, kwang bàng kông ñân gah đèng càr Dăk Nông sùm jơh nùs jơh tồr ngan mờ broă lơh, ai cau ngui đèng lơh tờm tàm jơh ală broă lơh, lơh gơs muh mat cau lơh đèng jơh nùs jơh tồr mờ broă lơh, đềt mềr mờ mpồl bơtiàn.

PC Dăk Nông pà hìu bơta nđàc ai mò Đặng Mùi Quyền, xã Dăk Wil, kơnhoàl Cư Jŭt

Bal mờ broă bơcri priă gĭt nđờ rhiang tơmàn đong nàng lơh ală rơndăp broă lơh jun đèng rê hờ tiah sar lơgar ngài, PC Dăk Nông gam lơh tai uă broă sền gàr lơngăp lơngai rài kis mpồl bơtiàn, pơgồp bơnah tơnguh uă rài kis làng bol in. Kờp bal pah nam, kông ty lơh ală broă lơh hìu bơta nđàc; pà phan ală hìu bơnhă cíñ săc, cau rƀah in pah dơ̆ sa tềp, dơ̆ lơh chờ tus; jàu priă dong kờl bơsram ai kơnòm bơsram in; dong kờl priă jền ai bơnhă trŭ gơm biăp piang bơta kờñ gơboh tàm ală hìu sơnơm tàm ù tiah càr Dăk Nông in...mờ kờp jơh priă tă lơh pơgăp 500 tơlak đong.

Cau cih VOV Tây Nguyên-  Cau mblàng Lơ Mu K’Yến