VOV4.K’ho - Mờ jơnau kờñ tơnguh uă bơta niam broă drơng lơh, tơngai do, Kông ty Điện lực Dăk Nông neh lơh niam wơl broă lơh sră nggal, tơnguh uă bơta loh làng, ndrờm bal tàm broă bơsong ală sră nggal bè ồs đèng.

             Cau lơh broă PC Dăk Nông drơng tàm broă bơto sồr cau năc ngui ală broă lơh drơng ala

Mờ lơh geh uă bơta dờp jơnau sồr bè broă lơh ồs đèng, bè tus tơn tàm ală anih lơh broă, lơh broă bơh tàm anih sền gàr cau năc jăt mờ sồ 19001909, bơh tàm website... Tŭ geh jơnau lùp bè ồs đèng, làng bol mìng hòi tus mờ anih lơh broă là geh bơsong mhar, geh cồng nha. Mìng is bơh anih lơh broă drơng ala dà lơgar, bơh bồ nam tus tŭ do, PC Dăk Nông neh bơsong geh mờr 20 rơbô pang sră dờp broă lơh ồs đèng bơh tàm internet kâp độ 4. Jăt mờ hơ̆, tơngai geh dờp, bơsong lơh ồs đèng pa neh tơmù gam 2 ngai pơn drờm mờ kơrnoăt geh ai. Tŭ do Kông ty lơh jăt broă ai 12 broă lơh ồs đèng tàm internet tàm Anih yal tơngit dà lơgar bè: lơh ồs đèng pa, tơm priă ngui ồs đèng, tam gơl tơngu me broă tăc, blơi ồs đèng... Cau năc mìng kờñ  tus tàm anih: www.dichvucong.gov.vn là gơtùi ngui 12 broă lơh drơng ala ồs đèng do ƀuơn mờ mhar ngan.

Cau mblàng Ndong Brawl