Phó Củ tịc lơgar jàu Gai lòng Lơh broă khà II ai Tổng Kông ty Ồs đèng Nhơm zờu Việt Nam in
Thứ bảy, 10:03, 24/12/2022
Cau mblàng Lơ Mu K'Yến/VOV
Cau mblàng Lơ Mu K'Yến/VOV
VOV4.K’Ho- Mho ngai 23/12, tàm Hà Nội, Tổng Kông ty Ồs đèng Nhơm zờu Việt Nam bơyai lơh dơ̆ tơngkah kir sơnrai 15 nam Ngai crơng gơs mờ dờp rò Gai lòng Lơh broă khà II. Phó Củ tịc lơgar mò Võ Thị Ánh Xuân, Phó Củ tịc dơ̆ dùl Mpồl duh broă Tàm pơrlòng- Jờng rơ Dà lơgar tus bal dơ̆ bơyai lơh tơngkah kir sơnrai.
Tàm 15 nam do, Tổng Kông ty Ồs đèng Nhơm zờu Việt Nam neh sùm bơtàu tơnguh dờng pràn mờ gơ gơs là mpồl lơh gơlik ồs đèng dờng dơ̆ 2 tàm Việt Nam, tơnơ̆ Tập đoàn Ồs đèng Việt Nam. Tus tŭ do, Tổng Kông ty Ồs đèng Nhơm zờu Việt Nam neh geh 7 hìu măy đèng bal mờ kờp jơh pràn lơh gơlik geh 4 rbô 209 megawat. Kờp jơh priă jền lơh geh gơguh 12 dơ̆, geh 56 rbô 502 tơmàn đong pơndrờm mờ 4 rbô 779 tơmàn đong tàm tơngai pa crơng gơs tàm nam 2007. Tàm dơ̆ bơyai lơh, ala măt kwang đơng lam bồ Đảng, Dà lơgar, Phó Củ tịc lơgar jàu Gai lòng Lơh broă khà II ai Tổng Kổng ty Ồs đèng Nhơm zờu Việt Nam in neh geh cồng nha jak ngan tàm broă lơh bơh nam 2017 tus nam 2021, pơgồp bơnah tàm broă lơh bơ̆t bơtàu củ nghĩa xã hội mờ sền gàr Dà lơgar.
Viết bình luận