VOV4.K’ho- Tơngkah kir sơnrai 132 nam ngai deh Củ tịc Hồ Chí Minh, mho ngai 19/05, tàm Hìu duh broă Củ tịc, Phó Củ tịc lơgar mò Võ Thị Ánh Xuân neh tìp măt mờ 60 nă cau ala măt ơruh pơnu pơnrơ jak ngan Gah mpồl lơh sa kă bro kâp dà lơgar. Do là ală muh mat pơnrơ jak ala măt ai rlau 100 rbô nă đoàn viên, ơruh pơnu Gah mpồl lơh sa kă bro kâp dà lơgar tàm srơh bơsram mờ lơh jăt bồ tơngoh, nùs nhơm, rài kis broă lơh Hồ Chí Minh dê tàm tơngai bơh nam 2020- 2022.

Đơs tàm dơ̆ tìp măt, Phó Củ tịc lơgar mò Võ Thị Ánh Xuân sồr Đoàn Gah mpồl lơh sa kă bro kâp dà lơgar sơlơ tơnguh tai broă lơh mblàng yal mờ uă tơngume li la, rơ̆ ru; kơ̆p kờñ ală ơruh pơnu gơguh jak jak ngan pơnrơ ngan geh jờng rơ pơn jăt tai đòm jăt ală cồng nha neh lơh geh, yờ tơnguh uă nùs nhơm geh kơnòl, geh bơta kơ̆p kờñ mờ kơ̆p kờñ ngan bơtàu tơnguh nàng pơn jăt tai tă pơgồp ai mpồl lơh sa kă bro, tập đoàn mờ anih lơh broă tŭ do bơh he dê, dipal là ală krơh àng nàng đoàn viên, ơruh pơnu in đòm jăt.

Cau mblàng Lơ Mu K’Yến