VOV4.K’ho - Di tơnkah 47 nam ngai tơnklàs đah jum dà lơgar, dà lơgar tơrgùm bal (30/04) mờ ngai òr (17/04), Phó Củ tịc lơgar mò Võ Thị Ánh Xuân neh tus chu ñàng, pơdơng bơkào kah kơlôi ală cau ling chơ̆t màng tàm tiah duh khoai cau ling chơ̆t màng thị xã Hoài Nhơn mờ còp ală hìu nhă geh sră dong kờl bơh dà lơgar tàm thị xã Hoài Nhơn, càr Bình Định.

     Phó Củ tịc lơgar mò Võ Thị Ánh Xuân pà phan hìu nhă geh sră dong kờl bơh dà lơgar tàm càr Bình Định

Tàm broă tam gơl pa, thị xã Hoài Nhơn pơn jăt tai tơnguh bơhiàn khin cha jăk chài, tam klăc bal lơh ngan mờ pơn yờ să geh dờp khà pơn jờng “Cau khin cha jăk chài lơh broă” tàm rài tam gơl pa geh Củ tịc lơgar jào pà. Dùl ngai bal, Phó Củ tịc lơgar mò Võ Thị Ánh Xuân neh tus còp, lam sồr mờ pà phan ală hìu nhă geh sră dong kờl bơh dà lơgar tàm thị xã Hoài Nhơn, càr Bình Định. Còp ală hìu nhă geh sră dong kờl, Phó Củ tịc lơgar neh còp să rài kis, mờ sồr gơnoar atbồ càr Bình Định lơh niam rơlao tai broă drơng gàr ală hìu nhă geh sră dong kờl, cau geh màng mờ dà lơgar.

Cau mblàng Ndong Brawl