Di dơ̆ lòt lơh broă tàm càr Bến Tre, mho ngai 13/04, Phó Củ tịc lơgar mò Võ Thị Ánh Xuân neh tus còp, pà phan ai hìu bơnhă cíñ sác, hìu bơnhă rƀah mờ kơnòm dềt geh rài kis kal ke in tàm kơnhoàl Mỏ Cày Nam, càr Bến Tre- ƀòn tờm bơh srơh Dùl nùs bal ntàu tam lơh dờng nam 1960.

Phó Củ tịc lơgar mò Võ Thị Ánh Xuân neh jơh nùs lùp còp bè rài kis, broă lơh bơh làng bol tàm tiah do dê mờ tơngŏ bơta chờ hờp tŭ sền gŏ ƀòn lơgar tờm plai lơ u dê ngai sơlơ bơtàu tơnguh. Phó Củ tịc lơgar mò Võ Thị Ánh Xuân neh pơndờm pơnđiang kwang bàng mờ làng bol càr Bến Tre đơs bal mờ kơnhoàl Mỏ Cày Nam đơs is pơn jat đòm jat tĕ bơhiàn cau ling khin cha jak chài bơh ƀòn lơgar tờm kăc màng “tiah tờm” bơh srơh Dùl nùs bal ntàu tam lơh dờng nam yau dê, tàm broă lơh broă sa, bơt bơtàu ƀòn lơgar ngai sơlơ pas sơm. Di dơ̆ do, Phó Củ tịc lơgar neh jàu pà 50 bơnah phan pà ai ală hìu bơnhă rƀah, hìu bơnhă geh màng mờ dà lơgar in, 200 bơnah priă bơsram ai ală kơnòm bơsram geh rài kis kal ke in mờ 10 nơm hìu ơm nùs nhơm niam ai ală hìu bơnhă cíñ sác tàm kơnhoàl Mỏ Cày Nam, càr Bến Tre in.