VOV4.K’ho - Mho òr (07/04), Ủy viên Ƀan cấp hàñ Đảng dà lơgar, Phó Củ tịc lơgar mò Võ Thị Ánh Xuân bal mờ mpồl kwang bàng lơh broă neh tus còp mờ pà phan ai ală hìu nhă geh sră dong kờl bơh dà lơgar tàm kơnhoàl Lạc Dương, càr Lâm Đồng in.

        Phó Củ tịc lơgar mò Võ Thị Ánh Xuân jào pà 30 pò phan ai ală hìu nhă geh sră dong kờl bơh dà lơgar

    Phó Củ tịc lơgar mò Võ Thị Ánh Xuân jào pà lơh cơng lài 10 nơm hìu nùs nhơm ai kơnhoàl Lạc Dương in

Tơnơ̆ mờ tŭ neh iăt jơnau yal bè broă tơnguh bơtàu lơh sa mpồl bơtiàn kơnhoàl do dê, Phó Củ tịc lơgar mò Võ Thị Ánh Xuân neh dờp mờ đơs niam ală cồng nha mờ kơnhoàl Lạc Dương neh lơh geh tàm tơngai do, kơ̆p kờñ kơnhoàl Lạc Dương pơn jăt tai tơnguh ală bơta geh, bơta pràn neh geh lài bơh kơnhoàl do dê, lơh geh cồng nha broă tam gơl phan tam, ngui kông nghệ kao tàm broă lơh sa suơn sre, tơnguh uă bơta niam mờ khà priă phan geh lơh bơh broă lơh sa suơn sre tàm dùl bă ù tam phan. Di tàm dơ̆ do, Phó Củ tịc lơgar neh jào pà 30 pò phan ai ală hìu nhă geh sră dong kờl bơh dà lơgar, jào pà lơh cơng lài 10 nơm hìu nùs nhơm ai kơnhoàl Lạc Dương in. Phó Củ tịc lơgar mò Võ Thị Ánh Xuân kung tus còp dùl broă tơrlòng lơh sa kông nghệ kao tàm thị trấn Lạc Dương, kơnhoàl Lạc Dương, càr Lâm Đồng.

Cau mblàng Ndong Brawl