VOV4.K’ho- Pơn jăt tai dơ̆ lòt còp ngan ngồn lơgar Croatia, Phó Củ tịc lơgar Việt Nam mò Võ Thị Ánh Xuân neh cribơyai broă mờ Kwang ătbồ lơgar Croatia ồng Zoran Milanovic. Tàm dơ̆ cribơyai broă, Phó Củ tịc lơgar Việt Nam mò Võ Thị Ánh Xuân geh jơnau đơs tơngŏ bơta chờ hờp mờ ưn ngài Kwang ătbồ lơgar Croatia neh lời tŭ jiơ wă rò mpồl mờ đơs nền Việt Nam sùm sền dờng màng mờ kơ̆p kờñ bơtàu tơnguh bơta gĭt gơ̆p lơh bơyô bal mờ bơhiàn ờs mờng lơh broă bal tàm uă gah broă broă lơh đah 2 lơgar neh geh lơh bơh uă nđờ jơ̆t nam lài, tŭ Croatia gam gơwèt lơgar Nam Tư yau.

Bàr nă Kwang đơng lam bồ neh dùl nùs bal pal sơlơ tàm pơgơl mpồl kwang bàng mờ tìp măt ală kâp, kwơmàng là kwang bàng kâp dờng mơkung ring bal bàr pe broă lơh sơlơ tơnguh bơta gĭt gơ̆p đah 2 lơgar, ngan là bè lơh sa- kă bro- bơcri priă kung bè rề ơnàng lơh broă bal tus bàr pe gah broă lơh geh bơta pràn ngan rlau jơh là nhơl chờ, jun pơndiang phan, bơto bơtê mờ tàp pràn să jan.

Cau cih VOV Tây Nguyên- Cau mblàng Lơ Mu K’Yến