Drim ngai 11/09/2023, jăt jiơ tiah do dê, tàm Hìu duh broă Thủ tướng, 2 nă kwang đơng lam bồ neh cribơyai broă ngan ngồn tàm nùs nhơm pin dờn, sơrmah sơrmài. Phó Củ tịc lơgar mò Võ Thị Ánh Xuân đơs nền, lơgar Việt Nam sùm sền dờng màng gĭt gơ̆p lơh broă bal lơh bơyô bal ờs mờng bơh yau mờ lơgar Mozambique, gĭt nền Mozambique là dùl tàm ală lơgar tam klăc lơh broă bal kwơmàng ngan bơh lơgar Việt Nam dê tàm câu Phi.

Bàr nă kwang đơng bồ lơh sùm broă tàm pơgơl mpồl kwang bàng lòt còp bal mờ gơ̆p, tìp măt ală kâp, ngan là kâp dờng mờ tàm jơh ală gah, Đảng, Dà lơgar mờ Quôk hội. Bàr gah dùl nùs ring bal pơn jăt tai sền lơh broă sa sươn sre, geh bal ròng tam phan tàm dà là gah lơh broă bal tờm ngan nàng pơgồp bơnah gàr sùm ală anih lơh gơlik phan mờ gàr tơl kòi phe dunia.