VOV4.K’ho- Di ngai Dunia kơnòm dềt (1/06) mờ Nhai lơh broă tài kơnòm dềt nam 2022, Phó Củ tịc lơgar mò Võ Thị Ánh Xuân neh tus còp ală cau kòp là kơnòm dềt gam sơm kòp ung thư tàm Hìu sơnơm K (anih Tân Triều, Hà Nội). Lùp còp mờ pà phan ai ală kơnòm dềt in, ală hìu bơnhă cau kòp là kơnòm dềt gam sơm kòp tàm Hìu sơnơm K Tân Triều, Phó Củ tịc lơgar mò Võ Thị Ánh Xuân tam pà bơta sền gròi, nùs nhơm mờ ală cau kòp là kơnòm dềt, cau kòp gam sơm kòp tàm do.

Di Ngai Dunia Kơnòm dềt, Phó Củ tịc lơgar pơyoa jơnau niam să pràn kơl dang să jan tus mờ ală cau kòp, ngan là cau kòp là kơnòm dềt, kơ̆p kờñ ală cau kòp chờ hờp, lơh ngan sơm kòp, gờñ pràn kơl dang wơl mờ geh rê tơrgùm bal tàm hìu bơnhă. Phó Củ tịc lơgar tơngŏ bơta chờ hờp tŭ ală bơta phan bơna bơh Hìu sơnơm dê ngai sơlơ  niam rlau nàng drơng cau kòp in; mơkung jờng rơ uă ngan ală bơta lơh ngan sùm ờ ơm rlô bơh mpồl y ƀák sĩ dê nàng uă cau kòp ung thư, ngan là cau ùr, kơnòm dềt, cau ùr geh bun geh tŭ tơn jŏ tai rài kis.

Cau mblàng K’Hạnh