Bơh bồ nhai 07 tus tŭ do, càr Sơn La mìu dà cò neh lơh 12 nă cau gơtìp chơ̆t, rơlao 2 rơbô 600 hìu làng bol gơtìp tơrlah, mờr 30 hìu bơsram gơtìp aniai, gùng lòt, ồs đèng… gơtìp aniai uă. Kờp dŭ hoàc huơr rơlao 500 tơmàn đong. Mò Võ Thị Ánh Xuân, Phó Củ tịc lơgar neh pơyoa jơnau tam pà bal uă ngan tus mờ kwang bàng, làng bol kis tàm tiah gơtìp dà cò càr Sơn La.

Phó Củ tịc lơgar kung sồr Ƀộ Lơh broă sa mờ bơtàu tơnguh ƀòn lơgar geh broă lơh jŏ jòng, dong kờl ală tiah mờng gơtìp rềs àr bơh mìu càl dờng dà cò bè càr Sơn La geh ală gùng dà broă lơh, yal lài, phan bơna bè lơi nàng tơmù ờ uă ngan bơta gơrềng tus rài kis làng bol, dong kờl làng bol kơl jăp rài kis. Di tàm dơ̆ do, Phó Củ tịc lơgar mò Võ Thị Ánh Xuân neh dong kờl càr Sơn La 700 tơlăk đong; dong kờl 2 kơnhoàl Mai Sơn mờ Thuận Châu 200 tơlăk dong nàng tơmù hoàc huơr bơh mìu dà cò lơh aniai.