Cih dờp mờ jờng rơ ală cồng nha càr An Giang, kơnhoàl Thoại Sơn mờ ƀòn dờng Long Xuyên dê neh lơh geh tàm tơngai lài, Phó Củ tịc lơgar mò Võ Thị Ánh Xuân kơ̆p kờñ, tàm tŭ lơh sa dunia geh uă bơta ƀươn mờ kal ke tàm bơrlŭ bal, kwang đơng lam bồ càr An Giang pơn jăt tai kơlôi sơnơng, ngui niam bơta pràn neh geh lài nàng bơtàu tơnguh gah lơh broă sa sươn sre pal mhar, geh cồng nha mờ kơ̆ kơl jăp jŏ jòng, lơh gơlik geh bơta kwơ gơguh tai uă rlau, priă lơh geh bơh làng bol lơh broă sa dê geh tơnguh tai. Phó Củ tịc lơgar sồr, càr An Giang kờñ pal lơh mhar broă bơcri priă dà lơgar, nàng tơnguh mhar ai broă gơguh lơh sa in mờ kwơmàng rlau, hơ̆ là bơnàng jă nàng bơtàu tơnguh lơh sa- mpồl bơtiàn, gơhòi gơ jà bơcri priă. Pal sền gàr rài kis mpồl bơtiàn, rài kis, broă lơh ai làng bol in, ngan là ală mpồl cau ƀươn gơtìp gơrềng”.