Đơs tàm dơ̆ tìp măt, Phó Củ tịc lơgar mò Võ Thị Ánh Xuân sồr tàm bơta tam gơl nhơm trồ tiah ngai sơlơ gơguh tai mờ kal ke rlau tai, mò sồr kwang đơng lam bồ càr An Giang pal geh ală broă rơndăp lơh jŏ tơngai, mờ tŭ tơngai loh làng nàng gĭt nền tŭ niam, ngui niam bơta pràn neh geh lài nàng kờñ tơngguh cồng nha, bơtàu tơngguh dồ bă tơrgùm bal. Càr pal rơcăng lài ală bơnah priă jền bơh tiah he dê, mơkung jòi bơta tàm sơm băt tê bal, bơta dồ nùs bal bơh làng bol dê nàng lơh gơlik geh bơta tam gơl pràn tàm bơtàu tơngguh lơh sa- mpồl bơtiàn. Gơ wèt mờ ală broă dờng, rlau mờ gơnăp gơnoar den kờñ pal ngui niam ngan ală bơnah priă jền bơh Dà lơgar dê kung bè ală bơta pràn mpồl bơtiàn dê nàng lơh gơs sir broă rơndăp lơh neh ai.

Di tàm dơ̆ do, Phó Củ tịc lơgar mò Võ Thị Ánh Xuân bal mờ Mpồl Cau ala măt Quôk hội càr An Giang mờ cau geh nùs nhơm niam neh jàu pà 100 nơm hìu Tam klăc dờng ai làng bol rƀah tàm ù tiah càr An Giang in.