VOV4.K’ho- Tàm dơ̆ lơh broă lòt Pơrjum kwang bàng kâp dờng cau ùr gùt plai ù nam 2022 tàm lơgar Thái Lan, Phó Củ tịc lơgar mò Võ Thị Ánh Xuân neh lòt còp mờ lơh broă tàm càr Udon Thani, tìp mat cau Việt Nam tàm lơgar Thái Lan mờ còp hìu bơsram Khánh An. Tàm dơ̆ tìp mat, tơnơ̆ tŭ iat jơnau yal bè broă geh ngan bơh làng bol jơi Việt Nam tàm lơgar Thái Lan dê, Phó Củ tịc lơgar mò Võ Thị Ánh Xuân neh ai lơh ngoh rơngac ngan tŭ geh tìp mat làng bol, đơs niam nùs nhơm tam klac bal, tàm dong kờl bal mờ gơp bơh làng bol he dê, nùs nhơm rềp mềr, wèt hờ ƀòn tờm, hờ dà lơgar.

Phó Củ tịc lơgar mò Võ Thị Ánh Xuân kung neh yal bè broă tàm lơgar bal mờ ală tềl tơnggŏ pal chờ hờp ngan, gam hời rơhời bơtàu tơnguh wơl lơh sa tơnơ̆ kòp Kovid-19; đơs nền Đảng mờ dà lơgar sùm lời ai bơta sền gròi uă ngan tus mpồl cau Việt Nam tàm lơgar ndai đơs bal mờ mpồl cau Thái Lan jơi Việt Nam đơs is; kơp kờñ Ƀan Cấp hàñ Mpồl cau Việt Nam gùt lơgar Thái Lan mờ Ƀan Cấp hàñ ală mpồl cau Thái Lan jơi Việt Nam geh ngai sơlơ tơnguh gơnoar broă lơh tờm bơh mpồl bơtiàn cau Việt Nam dê; lơh jat niam jơnau kờñ bơh làng bol dê tàm ală broă lơh tam klac bal, bơ tòm tơrgùm làng bol, bơto mờ bơsram dà yoan, wèt hờ ƀòn tờm, hờ dà lơgar.

Cau mblàng K’Duẩn