Phó Củ tịc lơgar mò Võ Thị Ánh Xuân jờng rơ ngan ală bơta bơtàu tơnguh niam bơnĕ tàm gĭt gơ̆p lơgar Việt Nam mờ Thụy Sỹ tơnơ̆ rlau 50 nam lơh gĭt gơ̆p cribơyai broă mờ lơgar ndai, ngan là tàm ală gah broă lơh sa, kă bro, bơcri priă, niam chài, bơto bơtê, tìp măt lơh kwèng bal Làng bol; Sồr 2 lơgar pơn jăt tai jơh nùs tàm pơgơl mpồl kwang bàng ală kâp, ngan là kâp dờng lòt còp bal mờ gơ̆p, nàng kờñ lơh jăt tơl làm lơh broă bal 2 gah mờ uă gah.

Kwang ătbồ lơgar Thụy Sỹ Viola Amherd jờng rơ ngan ală cồng nha lơh sa, mpồl bơtiàn bơh lơgar Việt Nam dê tàm ală nam do; đơs nền lơgar Thụy Sỹ sùm sền dờng màng gĭt gơ̆p lơh bơyô bal, lơh broă bal uă bơta mờ lơgar Việt Nam, mơkung đơs là, 2 lơgar gam uă ngan jơnau tơl pràn, bơta ƀươn ai lơh broă bal lơh sa, kă bro, bơcri priă in. Kwang ătbồ lơgar Thụy Sỹ đơs nùs nhơm bơh Phó Củ tịc lơgar mò Võ Thị Ánh Xuân dê bè jơnau gơtha, bơta kwơmàng bơh broă ring bal ùr klau dê mờ tơnguh uă gơnoar cau ùr in tềng đăp tiah ơm kis dunia gơ tam gơl bè tŭ do.