Tơnơ̆ mờ 32 nam crơng gơs, tus tŭ do càr Lào Cai ơm tàm mpồl 14 càr tiah tàm gùl mờ kơh bơnơm hờ đah tô dà lơgar. Bơta pràn gơguh lơh sa geh mờr 10% tàm 1 nam; priă tă tàm kes priă dà lơgar càr dê geh rơlao 10 rơbô tơmàn đong; khà hìu rơƀah gơmù mhar, bơh 54,8% tàm nam 1991 gơmù gam 19,3%.

Tàm broă bơsram mờ lơh jăt jơnau bơto bơh Wa Hồ dê, Đảng ƀộ mờ làng bol ală kòn cau càr Lào Cai neh rơcang, tus bal jòi sền, geh broă lơh bơceh pa mờ broă gờñ ai ngui ală kơrnoăt đòm jăt ai kwang đơng lam tờm mờ cau lam bồ in, geh kơrnoăt is bè broă bơsram mờ lơh jăt Wa Hồ tàm gùt càr gờñ ngan gùt lơgar dê. Pah nam ndrờm geh ai phan sền wơl mờ ai điểm bơsram mờ lơh jăt Wa Hồ. Bơh nam 2016 tus tŭ do, gùt càr Lào Cai neh pơn jờng, jờng rơ ai 3 rơbô 356 mpồl, cau dùl nă să geh cồng nha jăk chài tàm broă bơsram mờ lơh jăt Wa Hồ. Phó Củ tịc lơgar mò Võ Thị Ánh Xuân sồr tơnkah: Đảng ƀộ càr Lào Cai pal geh ală broă lơh pràn, tơnguh nùs nhơm tam klăc bal, mờ geh ală broă dong kờl, broă lơh di pal, mờ lam lơh nàng làng bol git brồ guh is bơh mpàng tê să tờm, lơh bè lơi nàng làng bol ală kòn cau bơtàu tơnguh ndrờm bal mờ geh dờp ală cồng nha bơtàu tơnguh bơh dà lơgar dê.