Tơngai bơh nam 2020- 2023, ală srơh tàm pơrlòng bơh ală oh dềt tàm mpồl, mờ kơnòm dềt càr Bình Dương dê bơtàu tơnguh pràn, lơh geh uă cồng nha niam ngan, bè: srơh “Rbô broă niam”, srơh “Broă rơndăp lơh dềt”, srơh “Trần Quốc Toản”. Cồng nha neh geh mờr 500 rbô krơh oh dềt tàm mpồl mờ kơnòm dềt tàm làm gùt càr Bình Dương geh jờng rơ mờ pà sră jờng rơ Sau dòn bơr Wa Hồ dê.

Phó Củ tịc lơgar đơs nền: Đảng, Dà lơgar mờ làng bol he sùm lời ai ală nùs nhơm, bơta sền gròi dong kờl uă ngan gơ wèt mờ broă ròng siam, sền gàr mờ bơto bơtê kơnòm pa tàu, kơnòm dềt, sùm ai tơl bơta ai ală oh in geh anih bơsram, bơsram tàp bơta gĭt wă, bơsram tàp bơta kơ̆ nùs, lơh gơs nùs nhơm kòn bơnus geh rài kis niam, gơ gơs là làng bol niam tŭ ală oh dờng.