Mpồl bơtiàn làng bol Việt Nam tàm Mozambique tŭ do geh pơgap 200 nă cau, ơm kis mờ lơh broă tàm lơgar do tàm ală gah broă bè lơh sa kă bro, viễn thông, bơto bơtê, gah lơh sơnơm mờ ală kơnòm bơsram, cau bơsram dờng.

Phó Củ tịc lơgar neh yal bè bơta cíñ trị, lơh sa, mpồl bơtiàn, bơtàu tơnguh wơl tơnơ̆ kòp Kovid-19 tàm lơgar tàm tơngai pa do; yal bè cồng nha bơh dơ̆ lòt còp ngan ngồn lơgar Mozambique bơh ală dơ̆ cribơyai mờ Thủ tướng lơgar Mozambique, tìp mat Kwang atbồ lơgar mờ Củ tịc Quốk hội lơgar Mozambique; Tìp mat Tổng thư kĭ Đảng at gơnoar Frelimo, ala mat ală mpồl lơh sa kă bro Mozambique. Phó Củ tịc lơgar đơs sùm Đảng, Dà lơgar sùm sền gròi tus mpồl bơtiàn làng bol Việt Nam tàm lơgar ndai, tàm hơ̆ geh làng bol kòn cau he dê tàm lơgar Mozambique; jờng rơ uă mpồl bơtiàn tàm lơgar Mozambique sùm tam klăc bal, đềt mềr, dong kờl bal mờ gơ̆p kơ̆ kơl jăp rài kis, kis gơ rờm bal niam tàm mpồl bơtiàn lơgar he ơm kis.