VOV4.K’ho- Mang ngai 31/07, tàm càr Hoà Bình neh bơyai lơh broă lơh đơs crih tam ya “Hoà Bình- Jơnau mpong ntas ƀòn Mường dê” dờp Sră dờp 2 Phan lời wơl niam chài ờ di là phan bơna dà lơgar: Bồ tơngoh jak bơh yau Lịc gle mờ dơ̆ lơh chờ bơhiàn yau Lơh yàng duh khoai chi gơnơng bơh jơi bơtiàn kòn cau Mường dê tàm càr Hoà Bình.

Phó Củ tịc lơgar mò Võ Thị Ánh Xuân đơs tàm broă lơh

Tus bal broă lơh geh Phó Củ tịc lơgar mò Võ Thị Ánh Xuân bal mờ kwang đơng lam bồ ală ƀan, ƀộ, ngàñ dà lơgar dê. Đơs tàm dơ̆ dờp, Phó Củ tịc lơgar mò Võ Thị Ánh Xuân đơs là, mờ jơnau kah yau ơm kis jŏ rài tàm càr Hoà Bình, kòn cau Mường neh bơceh pa uă phan lời wơl bơta niam chài phan bơna mờ ờ di phan bơna niam ngan, pơgồp bơnah lơh uă tai ală bơta niam chài bơh 54 jơi bơtiàn oh mi dê. Tàm hơ̆, bồ tơngŏ jak bơh yau Lịc gle mờ dơ̆ lơh chờ bơhiàn yau Lơh yàng duh khoai chi gơnơng geh jờng rơ Phan lời wơl niam chài ờ di phan bơna dà lơgar pơgồp bal mờ rài lơh sa suơn sre lơh kòi sre dê. Phó Củ tịc lơgar đơs ngan, ală bơta kwơ niam chài niam ngan do hơ̆ là dăng che tàm bơrkuăt bal mpồl bơtiàn, dong tơl nă cau tàm ù tiah do sơr lèt gan tơl bơta kal ke, bơta lòng nàng kơ̆ kơljap cơnđòa brồ guh, bơt bơtàu mờ bơtàu tơnguh ƀòn lơgar ngai sơlơ pas sơm niam bơnĕ ngan.

Cau mblàng K’Hạnh