VOV4.K’ho- Drim ngai 19/9, Phó Củ tịc lơgar mò Võ Thị Ánh Xuân tus bal Dơ̆ bơyai lơh tơngkah kir sơnrai 60 nam Ngai bơhiàn bơh Lữ đoàn 962, Quân khu 9 dê (19/9/1962- 19/9/2022).

Phó Củ tịc lơgar mò Võ Thị Ánh Xuân boh bơr mờ ală kwang bàng

Tàm dơ̆ bơyai lơh tơngkah kir sơnrai do, di tơngkah 60 nam Ngai bơhiàn Lữ đoàn 962, neh dờp sră pơyua nting bơr gờm chờ bơh Ƀộ trưởng Ƀộ Quôk phòng ồng Phan Văn Giang dê. Ala mat Quân ủy dà lơgar, Ƀộ Quôk phòng, Ủy viên Ƀộ Cíñ trị, Ƀộ trưởng Ƀộ Quôk phòng, Đại tướng Phan Văn Giang neh pơyua jơnau nting bơr gờm chờ niam bơnĕ ngan rlau jơh tus jơh gùt sĩ quan, ling mờng chài, hạ sĩ quan, cau ling neh mờ gam lơh broă tàm Lữ đoàn 962, Quân khu 9. Phó Củ tịc lơgar mò Võ Thị Ánh Xuân neh jàu pà rùp muh mat Củ tịc Hồ Chí Minh ai kwang bàng, cau ling Lữ đoàn 962, Quân khu 9 in. Di dơ̆ do, Ƀộ Quôk phòng mờ Ủy ƀan Ñân zân càr An Giang kung neh jàu pà Ƀằng khen ai Lữ đoàn 962, Quân khu 9 in bè cồng nha jak ngan tàm rơcang sơndră kòp Kovid-19, sền gàr kơ̆ lơngăp lơngai cíñ trị, ờdo ờdă mpồl bơtiàn tàm tiah nhàr dà lơgar tàm tơngai lài.

Cau mblàng K’Duẩn