Lòt gan 35 nam bơt bơtàu, pơnđơl pràn lơh ngan mờ dờng pràn Anih tờm neh gơ gơs anih kơlôi sơnơng khoa họk mờ kông nghệ uă gah bè nhiệt đới, geh bơngă pin dờn tàm Việt Nam, Nga mờ tàm dunia. Cồng nha kơlôi sơnơng bơh Anih tờm dê neh tă pơgồp kwơ màng tàm broă bơtàu tơnguh khoa họk, kông nghệ đơs bal, khoa họk, kông nghệ, kỹ thuật ling klàng đơs is, drơng broă geh cồng nha kơnòl broă ling klàng, sền gàr Dà lơgar mờ bơtàu tơnguh lơh sa- mpồl bơtiàn Dà lơgar, di pal bơta kwơ bơh jơh bal Việt Nam mờ Nga dê.

Đơs tàm dơ̆ bơyai lơh, ala mat Kwang đơng lam bồ Dà lơgar, Phó Củ tịc lơgar mò Võ Thị Ánh Xuân gờm chờ ală cồng nha, cồng nha lơh geh jak ngan mờ Anih tờm Nhiệt đới Việt Nam mờ Nga neh lơh geh sùm tàm gùng lòt 35 nam do; kơ̆p kờñ mờ pin dờn là, Anih tờm Nhiệt đới Việt Nam mờ Nga rơ̆p ngui niam bơhiàn tam klăc bal, lơh broă bal mờ ală cồng nha, cồng nha neh lơh geh, tơnguh uă bơta chài đơng lam, bơta pràn rcang sơndră bơh kấp ủy, mpồl đảng mờ bơta pràn atbồ, đơng lam bơh mpồl kwang bàng; rcang lài cribơyai bal, đơs ală broă lơh geh ngan nàng kờñ sơlơ tơnguh, pờ ơnàng lơh broă bal, tơnguh uă cồng nha lơh broă, drơng broă geh ngan kơnòl broă ling klàng, sền gàr dà lơgar mờ bơtàu tơnguh lơh sa- mpồl bơtiàn bơh jơh 2 gah dê.