VOV4.K’ho- Drim ngai 17/6, Phó Củ tịc lơgar mò Võ Thị Ánh Xuân neh wă Mpồl cau ùr măi rơndeh Trường Sơn. Nhai 12 nam 1968, Đảng ủy gah đơng lam bồ mpồl ling Trường Sơn neh geh kơrnuat crơng gơs mpồl cau ùr măi rơndeh Trường Sơn nàng kờñ dong kờl mpồl ling mpồng nhàr dà lơgar. Đơs tàm dơ̆ tìp mat, ala mat kwang đơng lam bồ Đảng, dà lơgar, Phó Củ tịc lơgar mò Võ Thị Ánh Xuân neh pơyua tus ală cau ùr măi rơndeh Trường Sơn bơta kah ưn ngài mờ ală nùs nhơm niam ngan rlau jơh.

Phó Củ tịc lơgar mò Võ Thị Ánh Xuân pà phan kir sơnrai ală cau ùr măi rơndeh Trường Sơn in

Phó Củ tịc lơgar cih dờp mờ đơs niam tă pơgồp mờ ală cồng nha jak ngan bơh ală cau ling ùr măi rơndeh Trường Sơn dê tàm dơ̆ tam lơh dră wơl bol sò tơm Mỹ tơngklàs dà lơgar. Phó Củ tịc lơgar đơs loh, bơta phi să ngềt ngơt bơh ală bi dê neh pơgồp bơnah dờng màng ngan bal mờ jơi bơtiàn lơh gơs pha lin dờng màng. Phó Củ tịc lơgar kơp kờñ Ƀộ Quôk phòng, Tổng kụk hậu cần, kụk pơndiang phan pơn jat tai geh bơta sền gròi uă rlau tai gơ wèt tus mờ ală cau ùr măi rơndeh Trường Sơn

Cau mblàng K’Duẩn