Tàm dơ̆ wă rò, Phó Củ tịc lơgar jờng rơ ngan gĭt gơ̆p đah Việt Nam mờ Nhờk tàm 50 nam do sùm geh lơh kơ̆ kơl jăp mờ bơtàu tơnguh duh hồl mờ ngai sơlơ gơlòt mŭt ngan ngồn tàm uă broă.

Phó Củ tịc lơgar kơ̆p kờñ Gah yal tơngĭt jơnau Kyodo lơgar Nhờk dê mờ Gah yal tơngĭt jơnau lơgar Việt Nam dê tam gơl pa broă lơh mờ tơngume lơh broă bal ngan là tŭ dơ̆ tam gơl bơta yau gơs bơta pa lơh broă mờ măy mok bơtàu tơnguh ngai sơlơ pràn kơldang.

Kơ̆p kờñ Gah yal tơngĭt jơnau Kyodo lơgar Nhờk rơ̆p ngai sơlơ yal tơngĭt jơnau uă rlau bè rùp hin, dà lơgar mờ kòn bơnus Việt Nam; ală gùng dà broă lơh, jơnau sồr bơh Đảng, Dà lơgar Việt Nam dê nàng làng bol lơgar Nhờk in kung bè gơ̆p bơyô dunia in gĭt loh làng rlau bè gùng dà broă lơh bơh Việt Nam dê, bơh hơ̆ gơhòi gơ jà uă cau bơcri priă lơgar Nhờk mờ dunia tus mờ Việt Nam.