Tơm bơh bơr rềp mềr mờ ală kơnòm dềt, Phó Củ tịc lơgar mò Võ Thị Ánh Xuân đơs nền, tàm ală nam do, Đảng, Dà lơgar mờ làng bol he dê sùm lời uă nùs nhơm, bơta sền gròi is kwơ màng mờ ai priă jền ai broă lơh sền gròi, sền gàr mờ bơto bơtê kơnòm pa tàu, kơnòm dềt.

Jờng rơ cồng nha neh lơh geh, Phó Củ tịc lơgar kơ̆p kờñ ală sau kơnòm dềt pơn jat tai đòm jat bơhiàn dờng màng bơh kơnòm pa tàu, kơnòm dềt Việt Nam dê, đòm jat niam bơhiàn jơi bơtiàn, lòt jat ală rơnàng bèp bi lòt lài, sùm pơrlòng bơsram sră, bơsram tàp, di pal là kòn gơlòng sồr, kơnòm bơsram jak, kơnòm dềt tàm mpồl niam, sau gơlòng sồr Wa Hồ dê.