Đơs tàm pơrjum, Phó Củ tic lơgar mò Võ Thị Ánh Xuân đơs sùm, tơngai pa do, tàm pơrlòng pà khà jờng neh gơ gơs bơta gơn kơ nờm, broă lơh nàng jơh ală cau sơm bat tê bal, dùl nùs bal lơh jat niam kơnòl broă cíñ trị tàm tơngai pa. Bè srơh tàm pơrlòng bañ lơh gời lơm mờ pal mŭt lơh ngan ngồn, rề ơnàng uă tàm rài kis; mơkung pal lơh niam rlau tai broă lơh pà khà jờng, jờng rơ ală cau pơn rơ jak.

Phó Củ tịc lơgar mò Võ Thị Ánh Xuân sồr mờ nùs nhơm khin  kơlôi, khin lơh bơh cau tiah đah mat tơngai lik dê pơn jat tai pơnđơl pràn lơh ngan nàng lơh geh ală cồng nha crih crài ngan tàm tơngai pa, tă pơgồp di pal tàm bơta bơtàu tơnguh bơh Dà lơgar dê. Tàm dơ̆ pơrjum, Bình Dương jàu bồng bi tàm pơdar ai mpồl atbồ tàm pơrlòng nam 2023 in là càr Bình Phước.