Jăt Phó Củ tịc lơgar đơs, càr Quảng Nam là ù tiah gơtìp uă cau phi să, chơ̆t jê roh rui uă tàm rài tam lơh. Tiah do geh rơlao 65 rơbô nă cau ling chơ̆t màng, 15 rơbô 339 nă Cau mè Việt Nam khin cha jăk chài mờ 45 rơbô 500 nă cau geh sră dong kờl bơh dà lơgar.

Phó Củ tịc lơgar Võ Thị Ánh Xuân sồr càr Quảng Nam tơrgùm tơmù ală bơta ờ pràn, ờ niam neh geh ală Mpồl kwang bàng lùp sền, sền gròi bơh Dà lơgar ai tơngŏ, mờ lơh ngan lơh gơs ală jơnau kờñ bal mờ kơnòl tàm tơngai lơh broă bơh nam 2021 tus 2025, bơh tŭ hơ̆ ai geh bơta pràn tàm tơngai bơtàu tơnguh pa. Di tàm dơ̆ do, Phó Củ tịc lơgar Võ Thị Ánh Xuân jào sră lơh pà càr Quảng Nam in lơh 10 nơm hìu nùs nhơm, kờp jơh priă 500 tơlăk đong; jào pà 200 pò phan Satềp pà hìu nhă geh sră dong kờl bơh dà lơgar mờ hìu rơƀah tàm càr Quảng Nam in; pà 200 pò phan Satềp dong kờl kông ñân geh rài kis gơtìp kal ke mờ 200 tơlăk đong dong kờl kơnòm dềt geh rài kis gơtìp kal ke tàm càr Quảng Nam in.