Tàm dơ̆ wă rò, Phó Củ tịc lơgar Võ Thị Ánh Xuân tơlik nùs nhơm chờ hờp gĭt gơ̆p đah lơgar Việt Nam mờ Hàn Quôk gam ơm tàm tơngai bơtàu tơnguh niam ngan rlau jơh; kwơmàng, lòt còp lơh kwèng bal đah làng bol 2 lơgar pơn jăt tai geh lơh duh hồl bal mờ pơgăp 200 rbô nă làng bol tơl lơgar gam ơm kis, bơsram sră mờ lơh broă tàm lơgar đah ne, tàm hơ̆ geh pơgăp 80 rbô hìu bơnhă uă rài kis niam chài Việt Nam mờ Hàn Quôk.

Phó Củ tịc lơgar sồr, tơngai tus, 2 gah pơn jăt tai pơgồp bal lam lơh, lơh jăt ngan ngồn gĭt gơ̆p “Tam klăc lơh broă bal jŏ jòng tơl ală bơta đah Việt Nam mờ Hàn Quôk”, ngan là lơh jăt “Broă lơh lơh broă bè lam lơh jăt gĭt gơ̆p Tam klăc lơh broă bal jŏ jòng tơl ală bơta đah Việt Nam mờ Hàn Quôk neh geh kĭ tàm nhai 06 nam lài. Mơkung sơlơ tơnguh tai gĭt gơ̆p cíñ trị- cribơyai broă mờ lơgar ndai bơh broă sơlơ tàm pơgơl mpồl kwang bàng kâp dờng mờ ală kâp lòt còp bal mờ gơ̆p, bơh hơ̆ lơh kơ̆ kơl jăp nùs nhơm pin dờn cíñ trị mờ lơh jrô ơnàng rlau tai gĭt gơ̆p đah kwang đơng lam bồ kâp dờng 2 lơgar dê; lam lơh geh cồng nha ală kơrnoăt lơh broă bal, ală jơnau ring bal kâp dờng đah 2 lơgar.