VOV4.K’ho- Ngai 14/01, Phó Củ tịc Quôk hội ồng Trần Quang Phương bal mờ mpồl kwang bàng neh lòt còp mờ nting bơr sa tềp ală kwang bàng, cau ling tàm Trung đoàn Kảnh sát kơ động tiah ring đah jum măt tơngai mŭt dà lơgar mờ Lữ đoàn yal tơngĭt jơnau 29, Quân khu 9.

Yal mờ Phó Củ tịc Quôk hội ồng Trần Quang Phương bal mờ Mpồl kwang bàng in, Thượng tá ồng Nguyễn Tấn Phúc là Kwang ătbồ Trung đoàn Kảnh sát kơ động tiah ring đah jum mat tơngai mŭt dà lơgar pà gĭt, tus tŭ do, mpồl kwang bàng, mpồl đơng lam ală kấp bơh Trung đoàn dê neh kơ̆ kơl jăp mờ rơhời dờng kràñ; gàr sùm niam ngan mpồl cau drơng gàr sùm rơcăng ai ling pơgồp bal mờ ală mpồl lơh broă ờs mờng bơh Ƀộ Kwang àng, Kwang àng ală tiah dê tam dră mờ jòi kŭp ală dơ̆ lơh tìs dờng, bơsong ală jơnau gơlik geh nisơna, kal ke bè lơngăp lơngai rơndăp tăp sèng, tam dră mờ kŭp kơryan ală cau lơh tìs.

Đơs tàm dơ̆ lòt còp, Phó Củ tịc Quôk hội ồng Trần Quang Phương tơngkah tàm tơngai tus, Trung đoàn Kảnh sát kơ động tiah ring đah jum mat tơngai mŭt dà lơgar pal bơsram mờ lơh jăt niam ală Jơnau sồr bơh Đảng, Dà lơgar, Quân ủy Dà lơgar, Đảng ủy Kwang àng dà lơgar, Ƀộ Kwang àng dê bè kơnòl broă sền gàr bơta lơngăp lơngai, sền gàr dà lơgar. Tềng đăp măt sền gàr lơngăp lơngai rơndăp tăp sèng tàm dơ̆ sa tềp bơhiàn Ñâm Zần nam 2022 jăt jơnau sồr bơh kwang bàng đơng lam bồ ală kâp dê, bal mờ hơ̆ mpồl kwang bàng đơng lam bồ anih do pal sền gròi kơlôi rơcăng niam rài kis ai kwang bàng mờ cau ling in.

Cau mblàng Lơ Mu K’Yến