Phó Củ tịc Quôk hội Nguyễn Đức Hải kơ̆p kờñ Đảng ƀộ, gơnoar atbồ mờ làng bol càr Quảng Nam pơn jat tai sền gàr, lơh jat niam bơta kwơ màng bơh Tiah lời kir sơnrai Củ tịc Hội đồng Dà lơgar lài do Võ Chí Công dê nàng tiah do in ngan ngồn gơ gơs dùl ù tiah kwơ màng bơto bơtê bơhiàn kăc màng mờ nùs nhơm kờñ gơboh Dà lơgar ai ală rơnàng làng bol Việt Nam dê.

Di dơ̆ wă rò nam pa bơh yau bơh jơi bơtiàn dê, Phó Củ tịc Quôk hội Nguyễn Đức Hải jàu 20 bơnah phan sa tềp, pà 20 hìu bơnhă geh rài kis kal ke tàm xã Tam Xuân 1, kơnhoàl Núi Thành, càr Quảng Nam in. Phó Củ tịc Quôk hội kơ̆p kờñ ală hìu bơnhă pơnđơl pràn lơh ngan sơr lèt gan bơta kal ke, jơh nùs lơh broă sa, tă pơgồp bal tàm bơta bơtàu tơnguh bơh càr Quảng Nam dê.