VOV4.K’ho- Mho ngai 21/01, Phó Củ tịc Quôk hội ồng Nguyễn Đức Hải neh lòt còp, nting bơr sa tềp tàm càr Kon Tum. Lơh broă mờ kwang đơng lam bồ càr mờ Mpồl kwang bàng Quôk hội càr Kon Tum, ồng Nguyễn Đức Hải cih dờp, jờng rơ ală bơta niam geh pơn rơ ngan mờ càr Kon Tum neh lơh geh tàm bơta kal ke mờ kòp Kovid-19 lơh gơbàn. Ồng Nguyễn Đức Hải kơp kờñ càr Kon Tum mut tus nam pa pơn jat tai tơnguh ală bơta niam chài ờs mờng; bơcri priă, ngui niam rlau tai bơta kuơ bơh tiah tam tờm chi lơh sơnơm kuơmàng mờ pơn rơ ngan là tờm kơnuh sơnơm Ngọc Linh.

Di tŭ do, Phó Củ tịc Quôk hội ồng Nguyễn Đức Hải bal mờ mpồl kwang bàng neh jàu pà hìu bơnhă rƀah, hìu bơnhă geh sră dong kờl bơh dà lơgar, cau geh bơngă pin dờn in 75 tơlak đông; pà ală hìu bơnhă rƀah geh rài kis uă kal ke in 500 tơlak đông; pà 200 bơnah phan, tơl bơnah geh 1 tơlak đông priă mat mờ 250 rbô đông priă phan ai đoàn viên, cau lơh broă geh rài kis kal ke in.

Cau mblàng K’Duẩn