Tàm dơ̆ lòt còp mờ lơh broă tàm lơgar Việt Nam bơh Mpồl cau ala mat Quôk hội lơgar Lào dê, mho mang ngai 04/9, tàm ƀòn dờng Đà Nẵng, Phó Củ tịc Quôk hội Việt Nam ồng Nguyễn Đức Hải neh đơng lam dơ̆ pơrjum bơyai mờ Phó Củ tịc Quôk hội Lào ồng Sổm-mạt Phôn-xể-na.Tàm dơ̆ pơrjum bơyai, Phó Củ tịc Quôk hội Lào đơs nền, broă Quôk hội Lào ai Mpồl cau ala mat tus còp mờ lơh broă tàm lơgar Việt Nam là broă lơh jat Jơnau ring bal lơh broă bal đah Quôk hội 2 lơgar.

Phó Củ tịc Quôk hội Việt Nam ồng Nguyễn Đức Hải đơs nền, nam 2024, Quôk hội Lào at gơnoar broă Củ tịc AIPA, bơyai lơh Pơrjum dờng AIPA dơ̆ 45, Việt Nam tŭ lơi kung rơcang dong kờl Lào lơh niam gơnoar broă Củ tịc ASEAN mờ AIPA, bơh hơ̆ pơgồp bơnah tơnguh gơnoar broă, bơngă pin dờn bơh Lào dê tàm tiah do mờ tàm dunia.