VOV4.K’ho- Drim ngai 24/01, Thượng tướng Trần Quang Phương, Phó Củ tịc Quôk hội lòt còp, nting bơr sa tềp kwang bàng, cau ling ală mpồl ling lơh pôs tàm càr Bình Định, kông ñân tàm 2, 3 anih lơh sa mờ măi mok bơh càr dê. Tàm kơnhoàl Tây Sơn, ồng Trần Quang Phương jờng rơ ală broă lơh ngan mờ Đảng ƀộ, ling klàng mờ làng bol tiah do neh lơh geh tàm tơngai lài. Phó Củ tịc Quôk hội sồr càr pơn jat tai tơnguh nùs nhơm tam klac bal, lam lơh ring bal ală broă lơh nàng bơtàu tơnguh càr, gàr niam ờdo ờdă rài kis.

Di tŭ do, Phó Củ tịc Quôk hội ồng Trần Quang Phương neh lùp còp, pơn jờng mờ pà phan sa tềp ai 50 hìu bơnhă geh sră dong kờl bơh dà lơgar, hìu bơnhă rƀah tàm xã Bình Thành, kơnhoàl Tây Sơn; còp, nting bơr sa tềp mờ pà phan 100 nă kông ñân Kông ty TNHH Mai phan Able Việt Nam tàm Anih lơh sa mờ măi mok Phú Tài; còp mờ nting bơr sa tềp Trung đoàn kảnh sát kơ động, Ƀộ Kwang àng.

Cau mblàng K’Duẩn