Tus bal pơrjum geh kwang ala mat Duh broă sùm Mpồl duh broă 10 càr, ƀòn dờng tàm tiah tàm gùl lơgar, Tây Nguyên mờ Duh broă sùm Mpồl duh broă làng bol ală kơnhoàl, thị xã, ƀòn dờng bơh càr Bình Định dê. Tơnơ̆ 8 nam lơh jat Adat broă lơh jat sền bơh Quôk hội mờ Mpồl duh broă làng bol dê, broă lơh jat sền bơh Quôk hội, Mpồl duh broă làng bol dê ngai sơlơ tơnguh cồng nha, lơh geh uă cồng nha kuơmàng, geh cau tĕ khà mờ làng bol jờng rơ ngan.

Tàm pơrjum, ală cau ala mat kung đơs tus ală bơta ờ niam tŭ do tàm Adat broă lơh jat sền bơh Quôk hội mờ Mpồl duh broă làng bol nam 2015 dê mờ geh jơnau dan, jơnau sồr lơh sir tơngume jơnau rơcang cih Adat tam gơl, bơ tơl bàr, pe bơta bơh Adat broă lơh jat sền bơh Quôk hội mờ Mpồl duh broă làng bol dê. Đơs tàm pơrjum, Phó Củ tịc Quôk hội ồng Trần Quang Phương pà git, Pơrjum neh cih dờp uă jơnau đơs jơh nùs bơh cau ala mat Duh broă sùm Mpồl duh broă làng bol ală tiah dê. Phó Củ tịc Quôk hội ồng Trần Quang Phương sồr, tàm jơnau sồr tam gơl bơh Adat dê pal kờp tus ală bơta ngan ngồn ờ niam, mpồl cau, broă lơh mờ jơnau gơ lời wơl bè adat boh lam pal di mờ gùng dà, broă lơh.