VOV4.K’ho - Tàm nùs nhơm chờ hờp ngai bồ nam pa, mho òr (07/02), tus còp, chờ gờm satềp mờ lơh broă tàm Ủy ƀan Zân tộk, Ủy viên Ƀộ Cíñ trị, Phó Củ tịc Thường trực Quốk hội ồng Trần Thanh Mẫn sồr tàm tơngai tus Ủy ƀan tơrgùm bơ̆t bơtàu adăt bè gah kòn cau nàng lơh niam wơl tơl ală bơta, tơl ală broă gơwèt mờ kòn cau.

Phó Củ tịc Quốk hội ồng Trần Thanh Mẫn sồr tai, bè rài kis bal bơh gùt lơgar dê, rài kis bơh làng bol kòn cau gam gơwèt mpồl kal ke ngan. Sồr tàm tơngai tus, Ủy ƀan Zân tộk tơrgùm bơsong kal ke bè kơ cế, broă lơh; lơh jăt broă sền gròi broă lơh jăt Nghị quyết bơh Quốk hội, Cíñ phủ mờ jơnau kờñ là làng bol mùl màl geh dờp ală gơnoar kwơ bơh broă lơh, mờ tơnguh bơtàu geh, bơta pràn tàm tiah he dê bal mờ nùs nhơm brồ guh is bơh làng bol ală jơi bơtiàn kòn cau nàng tơnguh bơtàu mhar, kơl jăp tàm tiah làng bol kòn cau mờ tiah kơh bơnơm.

Cau mblàng Ndong Brawl