Tàm dơ̆ wă Tổng Ƀí thư Đảng Kộng sản Tây Ban Nha, ồng Trần Thanh Mẫn đơs niam ală tam gơl niam ngan tàm bơta git gơp 2 lơgar Việt Nam mờ Tây Ban Nha, ai tơnggŏ bơh ală dơ̆ tìp mat đah kwang đơng lam bồ kâp dờng 2 lơgar tàm tơngai lài.

Phó Củ tịc Quôk hội ồng Trần Thanh Mẫn đơs nền, Việt Nam sùm cih dờp, đơs niam broă Đảng Kộng sản Tây Ban Nha là dùl tàm ală Đảng Kộng sản tàm tiah đah mat tơngai mut câu Âu lơh gơs bơta git gơp mờ Đảng Kộng sản Việt Nam, neh sùm tam klac mờ tò dong Việt Nam tàm dơ̆ tam lơh ai wơl lơngap lơngai is jơi bơtiàn in. Ồng Trần Thanh Mẫn kơp kờñ bơta git gơp đah 2 Đảng pơn jat tai bơtàu tơnguh tàm jơh ală bơta, dong kờl geh cồng nha ai bơta git gơp lơh broă bal kuơmàng đah 2 lơgar.