VOV4.K’ho- Drim ngai 11/09, Ủy viên Ƀộ Cíñ trị, Phó Củ tịc Thường trựk Quôk hội ồng Trần Thanh Mẫn neh đơng lam pơrjum mpồl jat sền bơh Quôk hội dê bè tam gơl broă lơh, sră giáo khoa bơto bơtê phổ thông. Ală jơnau đơs cribơyai tàm dơ̆ pơrjum, pal bơtơl broă lơh sền gĭt jơnau đơs mpồl bơtiàn, nàng kờñ kơlôi sơnơng, sền sơ wì jơnau đơs bơh ală mè bèp kơnòm bơsram dê gơwèt mờ broă lơh jat ală Nghị quyết bơh Quôk hội dê bè tam gơl pa broă lơh, sră giáo khoa bơto bơtê 3 kấp.

Ồng Trần Thanh Mẫn đơs loh, jơnau sồr ai tơlik gơwèt mờ tơngume jat sền là sền sơ wì broă lơh đơng lam mờ lam lơh jat bơyai lơh jat bơh Cíñ phủ, ală Ƀộ, ngàñ, Ủy ƀan Ñân zân ală càr, ƀòn dờng; lơh loh ală cồng nha neh lơh geh, ală bơta kal ke kòl yan, bơta ờ niam mờ jơnau gơbàn, kơnòl bơh ală anih lơh broă atbồ dà lơgar, ală ƀộ, ngàñ mờ ală tiah dê.  Bơh hơ̆, đơs ală gùng dà broă lơh, dan lơh sir ală sră ngal geh gơrềng tàm kơrnoat boh lam geh gơrềng nàng kờñ pơn jat tai lam lơh jat geh cồng nha ală Nghị quyết bơh Quôk hội dê bè tam gơl pa broă lơh, sră giáo khoa bơto bơtê kấp tàm tơngai pa.

Cau mblàng K' Hạnh