Lòt còp mpồl tam klac cau kơ đơng yàng Phờk kờñ gơboh dà lơgar ƀòn dờng Cần Thơ, Phó Củ tịc Thường trựk Quôk hội ồng Trần Thanh Mẫn chờ hờp tềng đap ală tă pơgồp bơh ală cau kơ đơng yàng Phờk Mpồl tam klac cau kơ đơng yàng Phờk kờñ gơboh dà lơgar ƀòn dờng Cần Thơ tàm tơngai lài.

Mờ kung đơs nền, làng bol kòn cau Khmer neh tă pơgồp uă ngan dà kơl hề, bơta pràn nàng lơh niam wơl ală hìu phờk; pin dờn mờ gơnoar broă bal mờ bơngă pin dờn he dê, ală cau kơ đơng yàng phờk bal mờ làng bol kòn cau Khmer pơn jat tai geh ală tă pơgồp ngan ngồn rlau tai tàm broă lơh tam klac dờng jơh gùt jơi bơtiàn, bơt bơtàu mờ sền gàr dà lơgar ngai sơlơ kơ̆ kơljap, pràn kơldang.