Phó Củ tịc Thường trựk Quôk hội ồng Trần Thanh Mẫn pơyua jơnau nting bơr pràn kơldang, ring lơngai tus Đức Tổng giám mụk Giuse Nguyễn Chí Linh, Tổng Giám mụk mpồl jat yàng Bàp Huế mờ ală cau kơ đơng yàng Bàp bal mờ jơh gùt làng bol jat yàng Bàp kàl Noel ring lơngai. Đức Tổng giám mụk Giuse Nguyễn Chí Linh, Tổng giám mụk Mpồl jat yàng Bàp Huế sền dờng màng ưn ngài bơta sền gròi bơh kwang đơng lam bồ Đảng, dà lơgar, Mặt trận dà lơgar Việt Nam mờ să tờm Phó Củ tịc Thường trựk Quôk hội ồng Trần Thanh Mẫn dê. Bơta sền gròi bơh ală kâp gơnoar atbồ neh lơh gơ rề, cèng wơl bơta chờ hờp ai làng bol jat yàng Bàp in, bơh hơ̆ bơt bơtàu jơnau git wă, tơl nă làng bol bulah jat yàng lơi kung pal geh kơnòl, bal mờ gơp pơgồp bơnah sền gàr mpồl bơtiàn ngai sơlơ niam bơnĕ, sền gàr tiah he ơm kis. Kàl Noel ờ mìng gơ wèt mờ Mpồl jat yàng Bàp Huế mờ gam là jơh gùt mpồl bơtiàn dê, ai tơnggŏ nùs nhơm tam klac bal, ring bal uă tàm nùs tồr mờ broă lơh.