Tàm ală dơ̆ tìp mat cribơyai broă, Phó Củ tịc Thường trựk Quôk hội ồng Trần Thanh Mẫn đơs nền, Việt Nam sùm sền dờng màng mờ kơp kờñ sơlơ tơnguh bơta git gơp lơh broă bal kuơmàng mờ Tây Ban Nha; đơs niam ală tam gơl niam tàm bơta git gơp đah 2 lơgar, 2 Quôk hội tàm tơngai lài.

Phó Củ tịc Thường trựk Quôk hội ưn ngài lơgar Tây Ban Nha là dùl tàm ală lơgar EU gờñ kĭ Hiệp địñ sền gàr dong kờl bơcri priă EU- Việt Nam (EVIPA) mờ sồr tàm tơngai lơh Củ tịc EU, Tây Ban Nha geh jơnau đơs nàng Nghị viện ală lơgar EU ờ hềt ring bal EVIPA gờñ kĭ Hiệp địñ, lơh gơlik bơta gơn kơnờm sơlơ tơnguh lơh broă bal bơcri priă đah 2 gah jat bơnàng jă ring bal, geh kuơ bal, pơgồp bơnah lơh gơlik bơta ƀuơn ai mpồl lơh sa kă bro câu Âu in gam bơcri priă mờ kă bro tàm lơgar Việt Nam.