Jat jơnau yal tàm dơ̆ pơrjum, tàm nam do, broă lơh mặt trận tàm Dăk Lăk geh uă bơta niam. Broă lơh hòi jà jơh gùt làng bol tus bal dong kờl broă lơh rcang sơndră kòp Kovid-19 pơn jat tai geh sền gròi. Ủy ƀan Mặt trận Dà lơgar Việt Nam càr neh dờp rlau 6 tơmàn 800 tơlak đong mờ tam pà ai ală anih lơh broă, mpồl lơh broă ală kấp nàng dong kờl tus bal lơh jat srơh rcang sơndră kòp kung bè pơyoa priă jền blơi vaccine dà lơgar dê. Tàm nhai lơh uă tài bơh cau rƀah nam do, ală kơnhoàl thị xã, ƀòn dờng neh cih mat hòi jà mờr 14 tơmàn đong. Bơh kes priă do neh tam pà, ai priă dong kờl bơt mờ lơh niam wơl hìu ơm tam klăc, dong kờl làng bol blơi phan bơna lơh broă lơh sa, pà phan sa Tềp, sơm kòp ai cau rƀah in...

Tàm pơrjum, ală kwang bàng neh cribơyai, lơh loh ală tơngume geh gơrềng tus broă lơh broă mờ lơgar ndai làng bol dê; ngui kông nghệ thông tin tàm broă lơh atbồ, đơng lam mờ mblàng yal bơh mặt trận dê. Dăk Lăk kung tam pà bal broă lơh geh cồng nha tàm broă lơh tam klăc bal tơrgùm ală rơnàng làng bol, ală jơi bơtiàn gah jăt yàng tus bal bơt bơtàu mpồl tam klăc dờng. Đơs bàr pe tơngume geh gơrềng tus ală broă kal ke, tàm rơndăp rơndồl tàm tŭ lam lơh, lơh jat ală sră nggal adat, Nghị quyết, Nghị địñ...