VOV4.K’ho- Tàm Pơrjum bè Yal kơrnoăt bơh Ƀộ trưởng Ƀộ Kwang àng dê geh lơh tàm anih lơh broă Kwang àng càr Gia Lai, Đại tá Lê Văn Hà, Phó Kwang ătbồ Kwang àng càr geh ntrờn tus dờp lơh broă tàm Gah đơng lam Kảñ sát ntrờn làm bă tiah (Ƀộ Kwang àng) dê, ăt gơnoar broă Phó Kwang ătbồ Gah đơng lam Kảñ sát ntrờn làm bă tiah.

Đaị tá Lê Văn Hà đơs tàm dơ̆ yal kơrnoăt geh ntrờn anih lơh broă 

Đại tá Lê Văn Hà lài do là Phó Kwang ătbồ Kụk Dong broă- Măy mok, Gah đơng lam Kảñ sát ntrờn làm bă tiah (Ƀộ Kwang àng). Nhai 11 nam 2018, ồng Hà geh Ƀộ Kwang àng ntrờn, ăt gơnoar broă Phó Kwang ătbồ Kwang àng càr Gia Lai. Ală tŭ lơh broă tàm càr Gia Lai, Đại tá Lê Văn Hà neh rơcăng lài kơlôi sơnơng, lơh jăt ală jơnau pal jăt, sồr ală anih lơh broă ờs mờng lơh sir niam jơh ală kơnòl broă geh jàu. Ală cồng nha tàm broă lơh bơh Đại tá Lê Văn Hà dê neh geh kwang đơng lam bồ Ƀộ Kwang àng, anih lơh broă Kwang àng mờ Tỉñ ủy, Ủy ƀan Ñân zân càr Gia Lai cih dờp, jờng rơ mờ đơs niam ngan.

Cau mblàng Lơ Mu K’Yến