Ngai òr (25/09), di tàm dơ̆ mpồl cau ala măt kấp dờng lơgar Việt Nam geh Tổng Ƀí thư, Củ tịc lơgar ồng Tô Lâm lam bồ tus Pơrjum kấp dờng Tơnơ̆ do, Pơrjum dờng Liên hợp quốk Khoă 79, lơh broă tàm lơgar Mỹ, Phó Thủ tướng, Ƀộ trưởng Ƀộ Cri bơyai broă mờ lơgar ndai ồng Bùi Thanh Sơn neh geh dơ̆ tìp mờ Phó Kwang pơlam broă Lơngăp lơngai Dà lơgar Mỹ ồng Jonathan Finer.

Phó Thủ tướng, Ƀộ trưởng Ƀộ Cri bơyai broă mờ lơgar ndai ồng Bùi Thanh Sơn đơs sùm lơgar Việt Nam sền lơgar Mỹ là lơgar lơh broă bal geh bơta kwơ màng jŏ jòng mờ kơ̆p kờñ bal mờ lơgar Mỹ pơn jăt tai ai bơta git gơ̆p đah bàr lơgar geh lơh nền nòn, geh cồng nha, lơngăp lơngai, kơ̆ kơl jăp tàm tơnguh me git jơnau khăt gơboh, krơi is, gơnoar tờm ù tiah mờ ală bơta tờm ngan bơh bơta git gơ̆p đah bàr lơgar dê, cèng geh bơta kwơ ai làng bol bàr lơgar in mờ pơgồp bal tàm bơta ring lơngai, lơngăp lơngai, lơh broă bal mờ bơtàu tơnguh tàm tiah do mờ tàm dunia.