Tàm dơ̆ tìp mat, 2 gah tơngŏ bơta chờ hờp tềng đăp ală bơta bơtàu tơnguh uă ngan bơh bơta gĭt gơ̆p đah lơgar Việt Nam mờ Nhờk, mờ tềl lời wơl kah yau là broă mờ 2 lơgar tơnguh gơnoar broă bơta gĭt gơ̆p gơguh tus Lơh broă bal jŏ jòng tơl làm tàm nhai 11 nam 2023 mờ bơyai lơh rlau 500 broă lơh tơngkah kir sơnrai 50 nam lơh geh bơta gĭt gơ̆p cribơyai broă mờ lơgar ndai.

Phó Thủ tướng sồr Quôk hội lơgar Nhờk kờñ 2 lơgar sơlơ tơnguh tai tàm klăc bal mpồl cau lơh broă, lơh broă bal cau lơh broă; geh ală broă lơh dong kờl mpồl bơtiàn cau Việt Nam gam ơm kis, bơsram sră mờ lơh broă tàm lơgar Nhờk. Củ tịc Hạ viện lơgar Nhờk ồng Nukaga Fukushiro yal Cíñ phủ lơgar Nhờk rơ̆p geh broă dong kờl tơnguh uă bơta tàm rài kis mờ broă lơh ai cau lơh broă Việt Nam in tàm lơgar Nhờk tàm tơngai priă yên roh giă; kơ̆p kờñ Quôk hội 2 lơgar lơh broă bal tàm ală broă ală lơgar mờ 2 gah sền gròi bal.