Phó Thủ tướng ồng Lê Minh Khái pà gĭt, nhai lài ồng bal mờ Phó Thủ tướng lơgar Hàn Quôk ồng Kyungho Choo neh đơng lam bal dơ̆ pơrjum Tìp măt cribơyai bè lơh broă bal lơh sa kâp Phó Thủ tướng lơgar Việt Nam mờ Hàn Quôk dơ̆ 02. Bàr gah neh cribơyai ring bal uă broă kwơmàng nàng chồl tơnguh gĭt gơ̆p lơh sa đah 2 lơgar.

Phó Thủ tướng lơgar Việt Nam ồng Lê Minh Khái pin dờn, là mờ uă mờng chài bơh he dê, NACF kung rơ̆p jơh nùs pơgồp bal mờ Cíñ phủ lơgar Việt Nam dong kờl bơtàu tơnguh lơh broă sa sươn sre, ƀòn lơgar, bơh hơ̆ pơgồp bơnah tàm broă bơtàu tơnguh lơh sa- mpồl bơtiàn bơh lơgar Việt Nam dê. Ồng Lê Minh Khái mờ ồng Lee Sung Hee kung cribơyai bàr pe broă gơrềng tus broă bơyai lơh drà lơh broă sa sươn sre tàm Pusan; broă lơh bơh Ngân hàng NH Bank dê tàm lơgar Việt Nam; sơlơ tăc blơi phan bơna, phan bơna lơh broă sa sươn đah bàr lơgar...nàng kờñ chồl tơnguh bơta gĭt gơ̆p đah bàr lơgar tàm gah broă hợp tak xã bơtàu tơnguh ngan ngồn, geh cồng nha tàm tơngai tus.