Dơ̆ lòt còp geh gơtha kuơmàng ngan, pơgồp bơnah pơn jat tai lam lơh jat gùng dà cribơyai mờ lơgar ndai lơh tờm is, tài ring lơngai, lơh bơyô, lơh broă bal mờ bơtàu tơnguh, lơh broă uă lơgar, lơh gơs bơta li la tàm git gơp cribơyai broă mờ lơgar ndai; là bơyô, là lơgar lơh broă bal pin dờn mờ là lơgar geh jơng jơh nùs, geh kơnòl tàm mpồl bơtiàn dunia, rơcang lài, jơh nùs mut gơ rờm bal dunia, lơh gơlik bơta pràn pa ai bơta bơtàu tơnguh tàm git gơp 2 lơgar Việt Nam mờ Tây Ban Nha.

Tàm dơ̆ lòt còp do, 2 gah rơp sền sơ wì wơl bơta git gơp lơh broă bal đah 2 lơgar tàm tơngai lài, ring bal ală broă lơh ngan ngồn nàng tă bơsong ală bơta kòl yan kung bè ring bal ală mpồl lơh broă bal pa tàm ală gah lam lơh lài bè phan bơna, năng lượng tơlir, rơcang sơndră mờ tam gơl trồ tiah, gròi sền dà nàng ai git gơp lơh broă bal kuơmàng đah 2 lơgar bơtàu tơnguh pràn kơldang mờ ngan ngồn rlau tai tàm tơngai tus.