Jăt mờ hơ̆, bàr gah ring bal lơh jăk ală broă tìp bal, hòi jà tìp bal kấp dờng mờ ală kấp, ală gah broă; Ngui niam rơlao tai gơnoar broă bơh Ủy ƀan đơng lam lơh broă bal đah bàr lơgar tàm broă lam lơh, sền wơl broă lơh mùl màl jơh jơnau git wă bal kấp dờng; Lơh jăt niam ală broă lơh broă bal sền gàr dà lơgar, lơngăp lơngai; Tơnguh broă tơrbŏ bal broă lơh jŏ jòng, tàm hơ̆ uă ngan là phan bơna lơh gùng rơndeh ồs, gùng lòt ù gờl; Lơh mhar broă pờ/lơh kơl jăp wơl/dờp ală mpồl mpồng nhàr dà lơgar, lơh geh cồng nha broă lơh tơrlòng mpồng nhàr dà lơgar ngăc ngar, ai geh bơta ƀuơn phan kă bro lơgar Việt Nam lòt gan gùng rơndeh ồs lơgar Lo tus lơgar dơ̆ pe bơh gơl gùng rơndeh ồs câu Á – câu Âu; pơgồp bal nền nòn tàm broă atbồ, sền gàr tiah nhàr dà lơgar jăt pang sră adăt boh lam bè tiah nhàr dà lơgar tàm ù gờl mờ tơmù jơnau ờ ring bal tàm dà lềng jăt Kông ướk Liên hợp quốk bè Adăt Dà lềng nam 1982.