09 nhai do, broă rơndăp tăp sèng lơngăp lơngai lòt rê tàm gùng pơn jăt tai geh uă bơta gơ tam gơl niam pơndrờm bal dùl tŭ mờ nam 2022; rềs àr lòt rê tàm gùng pơn jăt tai geh kơryan. Jơh gùt lơgar neh gơtìp rlau 8 rbô 300 dơ̆ rềs àr lòt rê tàm gùng, gơmù 194 dơ̆ mờ gơmù 124 nă cau chơ̆t pơndrờm bal dùl tŭ mờ nam lài. Khà dơ̆ gơkòl gùng lòt rê tàm ală gơl gùng tờm kwơmàng tàm ală dơ̆ gal cau lòt rê, dơ̆ sa tềp, ơm rlô gơmù uă ngan pơndrờm bal dùl tŭ mờ nam 2022.

Tàm dơ̆ lơh broă, Phó Thủ tướng ồng Trần Lưu Quang yal jơnau kờñ tàm qúy 4 nam do pal lơh tơrmù rềs àr lòt rê tàm gùng bơh 5- 10% tàm jơh bal 3 broă jàu; bơsong jơnau gơkòl gùng lòt rê tàm ală sơnĕ gùng tờm, ală tiah tờm gùng lòt rê tờm kwơmàng, tàm ală tiah drà dờng mờ ờ gŏ di lời gơlik geh jơnau gơkòl gùng uă ir jŏ jòng. Jăt Phó Thủ tướng đơs, broă lơh glài tơnơ̆ gơ wèt mờ ală cau lơh tìs lòt rê tàm gùng neh lơh geh cồng nha, mơkung sồr ală ƀộ, gah lơh broă, ală tiah tơrgùm lơh jăt 8 mpồl kơnòl broă tờm kwơmàng neh sồr lơh nàng sền gàr niam lơngăp lơngai lòt rê tàm gùng.