Phó Thủ tướng Cíñ phủ ồng Trần Lưu Quang cih dờp, đơs niam nùs nhơm geh kơnòl bơh kwang đơng lam bồ Tỉñ ủy, Ủy ƀan Ñân zân càr Lâm Đồng dê neh di tŭ đơng lam ală mpồl lơh broă mờ ai phan bơna, măi mok sơrbac mhar tus tiah gơlik geh bơta aniai nàng lam lơh broă lơh dong kờl rềs àr, jòi dong kờl cau; mờ kung jờng rơ ală mpồl lơh broă ờ ngòt kal ke lam lơh broă lơh jòi dong kờl rềs àr, bơsong jơnau gơ lời wơl tơnơ̆ dơ̆ tơrlah ù.

Tàm tiah gơlik geh bơta aniai, Phó Thủ tướng ồng Trần Lưu Quang kung sồr broă lơh dong kờl rềs àr, bơsong jơnau gơ lời wơl tơnơ̆ dơ̆ tơrlah ù pal lam lơh sơrbac mhar mơya kung gàr lơngăp lơngai jơh ală bơta ai mpồl lơh kơnòl broă in. Tàm dơ̆ lơh broă, Phó Thủ tướng sồr càr Lâm Đồng bañ lời gơlik geh khat dùl bơta aniai lơi ndrờm bè do. Di dơ̆ do, Phó Thủ tướng ồng Trần Lưu Quang neh lòt còp, tam pà moat jrùm mờ pơn dờm pơn điang hìu bơnhă Thượng úy Lê Ánh Sáng (ơm tàm sơnah ƀòn 2, ƀòn dờng bảo Lộc) là 1 tàm 3 nă kwang bàng, cau ling kảñ sát gùng lòt chơt phi să tàm dơ̆ tơrlah ù tŭ gam lơh kơnòl broă.