Phó Thủ tướng Cíñ phủ ồng Trần Lưu Quang tơlik nùs nhơm chờ hờp tŭ Ngai chờ Jơh gùt làng bol sền gàr lơngăp lơngai Dà lơgar sơnah ƀòn An Lạc, thị xã Buôn Hồ geh bơyai lơh niam ngan, dờng màng ngan bal mờ uă broă lơh duh hồl gơhòi gơ jà bơta tus bal jơh nùs ngan bơh làng bol dê.

Phó Thủ tướng ồng Trần Lưu Quang sồr, tơngai tus, càr Dăk Lăk đơs bal mờ sơnah ƀòn An Lạc đơs is, pal pơn jăt tai lơh jăt niam, di tŭ, geh cồng nha ală jơnau sồr bơh Dà lơgar dê bè bơ̆t bơtàu srơh Jơh gùt làng bol sền gàr lơngăp lơngai Dà lơgar. Bơh hơ̆, ai srơh ngai sơlơ gơlòt mŭt ngan ngồn tàm uă broă, geh kwơ ngan, lơh geh cồng nha, geh bơta pràn lơh gơrề pràn kơldang bal mờ ală broă lơh niam. Mơkung hòi tơrgùm bơta pràn bơh jơh ală anih lơh broă cíñ trị dê mờ jơh gùt làng bol dê nàng gàr niam lơngăp lơngai rơndăp tăp sèng, bơ̆t bơtàu rài kis ring lơngai, lơngai lơngò chờ hờp chờ hờn ai làng bol in.