Jat jơnau lơh nền bơh Thủ tướng Cíñ phủ dê ring bal Rơndap ù tiah càr Lâm Đồng, tus nam 2030 càr Lâm Đồng rơp gơ gơs là càr bơtàu tơnguh tơl làm; bơt bơtàu Dà Làc mờ tiah rềp bal gơ gơs tiah tờm lòt nhơl geh bơta niam uă bơh gùt lơgar mờ tiah đah jum măt tơngai lik câu  Á dê, là tiah tờm bơto bơsram, tam gơl pa bơceh lơh.

Tàm hơ̆, khà gơguh GRDP geh kờp bal bơh 8,5 tus 9% pah nam, priă lơh geh kờp bal tàm dùl nă cau geh 70 tơlak đông pah nam, khà hìu bơnhă rƀah uă bơta gàr sùm khà gơmù bơh 1 tus 1,5%. Broă rơndap lơh tus nam 2050, lơh gơtùi ală jơnau sồr nàng gơ gơs là ƀòn dờng gơ wèt kâp dà lơgar pa, geh bơta niam chài, tơlir, ngac ngar mờ dipal ngan nàng kis. Kung tàm ngai 23/6, Phó Thủ tướng Cíñ phủ ồng Trần Lưu Quang neh tus bal dơ̆ yal tơngguh gơnoar broă Ƀlàng rơndeh par Liang Khàng, càr Lâm Đồng gơ gơs là ƀlàng rơndeh par ală lơgar. Tơngai bơh nam 2021 tus nam 2030, Ƀlàng rơndeh par Liang Khàng geh rơndap ù tiah tơl khà kâp ƀlàng rơndeh par 4E mờ ƀlàng rơndeh par ling klàng kâp 2. Bơta pràn drơng mờr 5 tơlak nă nac mờ 20 rbô tấn phan bơna pah nam.